Calendario

Programación XLVII Noite Meiga 2017

AVANCE

Comenzamos o venres 25 de agosto con concertos. E todo de balde!!!

23:00 h. Actuación de Esteban y Manuel

 01:00 h. Actuación do grupo Bulto

O sábado 26 de agosto temos unha tarde e unha noite completas. Dende as 19:30 horas ata ven entrada a madrugada.

19:30 h. Apertura da XLVII edición da Noite Meiga coa dirección de Vicky Pérez.

20:00 h. Pregón a cargo de Dona Violeta Bernardo Vázquez

20:30 h. Entrega de premios e recoñecementos.

20:45 h. Actuación do grupo de gaitas e os grupos de danzas Garulaxe e Burbulliñas de Meigas e Trasgos.

22:00 h. Cea ofrecida por Hotel Alfonso IX de Sarria:

Tarxetas únicamente de venda anticipada en: 

Hotel Alfonso IX ata o MARTES día 22 as 17:00 horas

O domingo 27 de agosto comezamos á mañá cos talleres para nenos de entre 3 e 11 anos. Podes xantar na festa da empanada e despóis haberá un espectáculo musical.

II Xornada de Outono

     Este ano celebramos unha actividade que consistirá nunha saída ó monte a recoller cogomelos acompañados e dirixidos por expertos da Asociación Micolóxica “A Muiñeira” de Sarria. Despois haberá un xantar para quen queira degustar un bo cocido seguido dun magosto. Pola tardiña poderás participar unha festa na que haberá música, cánticos populares e baile ata que aguante o corpo.

Para informarte de todos os detalles: II Xornada de Outono

Esperámoste!!!

A Asociación de Gaiteir@s Galeg@s recibiu a petición por parte do Colectivo en Defensa da Gaita de publicar o seguinte comunicado:

A ACB non entende de gaitas

Cando acontece unha cita deportiva da talla dunha final da Copa do Rei de Baloncesto é moi importante que se coñeza o que e a quen se contrata. O máis sinxelo é recorrer ao quen ten máis sona ou a tal agrupación a través dun coñecido.  Isto foi o que se fixo coa Real Banda de Gaitas da Deputación de Ourense o pasado domingo no Coliseum de A Coruña. Asesorarse antes de facelo debería de ser unha obriga por unha simple cuestión de respecto e ética musical. Os galegos en xeral e, neste caso, os coruñeses en particular non merecemos o trato e a imaxe que se está a dar da nosa música tendo como máximo expoñente a unha agrupación pseudo-escocesa que non representa nin de lonxe a Galicia. Hai entidades dabondo espalladas pola nosa terra que xa fan todo o contrario. E é, sen dúbida, unha vergoña para moita xente ver a unha banda que di representarnos con bastóns de mando militares, gaitas “marcianas” (instrumentos híbridos entre gaita escocesa e galega) e desfiles con malabarismos máis propios de bandas doutros países tan respectables como o noso. Levamos tempo dicindo que iso non é de aquí, por moito que nos queiran convencer doutra cousa. E tanto os organizadores (a ACB) como os colaboradores de tal evento (entre eles o Concello da Coruña e a Deputación Provincial da Coruña, que destinan cartos públicos a tal efecto) deberían reflexionar e explicarnos a todos se eles identifican iso como galego porque nós xa o entendemos e sabemos distinguir as cousas perfectamente. Menos aplausos e máis conciencia, por favor. Informarse antes de facer algo non ocupa lugar. A ignorancia musical da xente chega a converterse en falta de respecto a todo un pobo.

Colectivo en Defensa da Gaita (CDG)
En representación do CDG
RAMÓN RODRÍGUEZ PALLEIRO
LUIS GARCÍA CORRAL
RICARDO CASÁS SALGADO